أسرة شباب صح بميت سهيل ( Shabab Sa7 )
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات ، كما يشرفنا أن تقوم بالتسجيل بالضغط على ايكونة التسجيل أعلاه إذا رغبت بالمشاركة في المنتدى ، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.


ملتقى شبــاب ميـت سهــيل
 
الرئيسيةاليوميةس .و .جبحـثالأعضاءالمجموعاتالتسجيلدخول
أهلا وسهلا شباب بلدنا ^_^ اللى دايما رافع راسنا ^_* .،،،. ونرجو من الله أن ينال منتدانا إعجابكم ، لكم خالص التحية أسرة شباب صح ...
يمكنكم الآن زيارة صفحتنا على الفيس بوك ومتابعة كافة أخبارنا وأخبار قريتنا وما عليكم إلا الدخول على الرابط التالى ( صفحة أسرة شباب صح ) وأيضا جروب شباب صح على الرابط التالى ( جروب أسرة شباب صح )

شاطر | 
 

 ((يوميات ابليس بيه وابوجهل))

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
7oda.Civil
Admin
Admin
avatar

عدد المساهمات : 105
تاريخ التسجيل : 02/06/2011
العمر : 25
الموقع : http://2shabab.alafdal.net

مُساهمةموضوع: ((يوميات ابليس بيه وابوجهل))   الإثنين يونيو 06, 2011 11:06 pm

السلام عليكم ورحمة الله وبركاته

اعضاء منتدانا الكريم حبيت اقدملكم

((يوميات ابليس بيه وابوجهل))

مجموعة من الحلقات الروائية القصيرة منقولة للامانة

بجانب بعض التعديلات منى حتى تلائم تلك الرويات منتدانا الكريم وارجو من الله ان تنال اعجاب حضرتكم جميعا وان تلاقى قبول بين مسامعكم باذن الله
وان تستفيدوا منها لان حلقاتها ماخوذه ومقتبسة من واقعنا الاليم
وفيها كثير من العبر والدروس المستفادة


تمــــــــــــــــــــــــــــــــــــــت بفضـــــــــــــــــــــــل اللــــــــــــــــــــــــه



اقدملكم مسلسل ابدى لا ينتهى ولكن الحلقات المكتوبةهتنتهى لكن الحقيقة لا تنتهى الا بقيام الساعة
اتمنـــــــــــــــــــــى اقــــــــــــــــرا ارائــــــــــــــــــــــــــــكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://2shabab.alafdal.net
7oda.Civil
Admin
Admin
avatar

عدد المساهمات : 105
تاريخ التسجيل : 02/06/2011
العمر : 25
الموقع : http://2shabab.alafdal.net

مُساهمةموضوع: رد: ((يوميات ابليس بيه وابوجهل))   الإثنين يونيو 06, 2011 11:07 pm

اسيبكم مع الحلقة الاولى


الحلقه الاولى



صباح الفل يا إبليس بيه
- صباح الخير يا بني .. اطلع بينا على سنة622
- ياااااااااه .. سعادتك إيه اللي هيوديك هناك .. دي الدنيا كات صعبة أوي أيامها
- وحشوني والله يا عكروت .. أعمل ايه بقى .. نفسي أشوف أبوجهل
- ما تشوفش وحش يابيه .. وصلنا خلاص
ينزل إبليس من العربية .. ويخبط الجرس على بيت أبو جهل .. تفتح له الشغالة
- الأستاذ أبو جهل موجود
- أيوه موجود .. مين حضرتك ؟
- قولي له إبليس
-دقيقة واحدة
يخرج أبو جهل
- أهلاااااااااااااان .. إزيك يابو مُـرّة .. واحشني يا راجل .. إيه الغيبة الطويلة دي .. اتفضل اتفضل
- والله هفيت على بالي اليومين اللي فاتوا .. والعالم بتوع القرن الواحد وعشرين خنقوني .. قلت آجي أشرب معاك كاسين .. حجرين .. الموجود بقى .. أي حاجة
- على حسابي ولا على حسابك ؟
- أيوووه عليك .. انت لسه .... زي مانت .. ياراجل ده انا بقالي 200 سنة ما شفتكش .. ده اللي انا علمتهولك ؟
- آه .. ههههههههه .. طب اقعد بس اقعد .. ده الحالة بقت كرب أوي .. ونفسي أفضفض لك شوية
- خير يابوجهل
- لا والله مافيش .. فاكر انت آخر مرة كنت معانا لما اتفقنا نطلع من رجل قبيلة .. ونقتل محمد ( صلى الله عليه وسلم )
- آه .. كانت فكرة مالهاش حل
- بس الخطة فشلت .. وقدر يهاجر يثرب ومن بعدها ماشفناش يوم حلو .. والعملية نشفت أوي وبدأوا يقفلوا علينا طرق التجارة .. العيشة بقت صعبة أوي يا إبليس يا خويا
- بس بس قطعت قلبي . . طيب أنا جاي لك في مشوار حلو .. هيفتح نفسك
- مشوار ايه يا معلم .. قوللي
- شوف يا سيدي .. أنا جاي لك دلوقت من القرن الواحد وعشرين .. فيه شغلانة جامدة أوي في مصر ظبطتها تظبيطة ما حصلتش .. وأنا حاسس بيك قلت آجي آخدك تتفرج .. أرفع روحك المعدنية شوية
- بس مايكونش التظبيط الخايب بتاعك زي شغلانة من كل رجل قبيلة دي
-كده برضه .. الله يسامحك .. بس اطمن المرة دي .. هتيجي جون يعني هتيجي جون
- والمشوار ده هنروحه ازاي
- اركب بس اركب .. ما تخافش مش هأخرك
ركب أبو جهل العربية مع إبليس .. ووصلوا القاهرة .. أبو جهل تـَنـّح
- إيه ده يا إبليس يا خويا .. احنا لسه في الدنيا ؟؟
- هههههه .. جمد قلبك ياراجل .. احنا بعد 1400 سنة من أيامكم
- وايه الناس دي .. عاملين في نفسهم كده ليه
- إيه مش عاجبينك ؟
- يعني .. الستات لابسين عريان قوي .. والرجالة شكلهم شبه الستات .. وبص الواد ده ماشي مع البنت ازاي .. بيحضنها في الشارع كده .. اخص عالرجالة
- ههههههه .. ياراجل ماتقولش كده .. دول على فكرة مسلمين
- إيه ؟؟ .. هو دين محمد( صلى الله عليه وسلم ) وصل لغاية هنا
- آه طبعا .. من زمان أوي .. بص الجوامع أد إيه .. واللي انت سامعه ده اسمه الأذان .. بينادوا عالناس وقت الصلاة عشان يصلوا
- الله ؟؟ .. أمال مالهم قاعدين كده ما بيتحركوش .. وعشرة عشرين واحد بس اللي داخلين الجامع
- آه .. أصل النهارده فيه ماتش .. واللي قاعدين دول بيتفرجوا عالماتش في القهوة
- ماتش؟؟ .. إيه ده ؟؟
- دي فكرة حلوة من أفكار أخوك .. الناس بتحب الرياضة .. فيها حاجة دي ؟
- لأ مافيهاش
- أنا قعدت بقى أكبرها وانفخ فيها لحد مالناس بقت تحبها أكتر من الصلاة
- يابن الإيييييييه ؟؟ .. ده انت هتروح جهنم
- فال الله ولا فالك .. فقري طول عمرك
- بس ايه اللي مكتوب عالحيطان ده ؟؟ ..الإسلام هو الحل ؟؟ حل إيه ؟؟
- ماهو ده اللي انا جايبك عشانه
- طب نورني .. ايه الموضوع
في الحلقة القادمة ان شاء الله هنشوف ايه الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://2shabab.alafdal.net
 
((يوميات ابليس بيه وابوجهل))
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أسرة شباب صح بميت سهيل ( Shabab Sa7 )  :: ..:: زيتنا فـ طاستنا ::.. :: روايات وحكاوى ع القهاوى وقصص كوميديه معديه-
انتقل الى: