أسرة شباب صح بميت سهيل ( Shabab Sa7 )
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات ، كما يشرفنا أن تقوم بالتسجيل بالضغط على ايكونة التسجيل أعلاه إذا رغبت بالمشاركة في المنتدى ، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.


ملتقى شبــاب ميـت سهــيل
 
الرئيسيةاليوميةس .و .جبحـثالأعضاءالمجموعاتالتسجيلدخول
أهلا وسهلا شباب بلدنا ^_^ اللى دايما رافع راسنا ^_* .،،،. ونرجو من الله أن ينال منتدانا إعجابكم ، لكم خالص التحية أسرة شباب صح ...
يمكنكم الآن زيارة صفحتنا على الفيس بوك ومتابعة كافة أخبارنا وأخبار قريتنا وما عليكم إلا الدخول على الرابط التالى ( صفحة أسرة شباب صح ) وأيضا جروب شباب صح على الرابط التالى ( جروب أسرة شباب صح )

شاطر | 
 

 حوار بين مذيع فرفور و مواطن مطحون مسطول

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
7oda.Civil
Admin
Admin
avatar

عدد المساهمات : 105
تاريخ التسجيل : 02/06/2011
العمر : 25
الموقع : http://2shabab.alafdal.net

مُساهمةموضوع: حوار بين مذيع فرفور و مواطن مطحون مسطول   الإثنين يونيو 06, 2011 3:43 pm



[size=21]حوار بين مذيع فرفور و مواطن مطحون مسطول

المذيع:وف طريقنا قابلنا احد المواطنين ونحب نسألو

ياتري تعرف ياعم الحج ليه يوم25 يناير اجازه


المواطن:مش واخد بالي يابني ..
يكونشي مولد النبي اصلي شايف الحلاوه بدات تظهر ف المحلات


المذيع:لا يا عم الحج مش المولد ..25 يناير عيد الشرطه

المواطن:ااااااااااه طيب الف مبروك قصدي عقبال البكارى

المذيع:بكارى مين ياعم الحج انت شارب حاجه

المواطن:حاجه واحده بصراحه شارب كتير .. اصل الجو ساقعه اليومين دول

المذيع:طب انت تعرف ليه عملوا عيد للشرطه

المواطن:طبعا .. ودي تفوتني برده
عشان الشرطه مغرقاااااااااااانه عيديات طول السنه يعني توتو علي كبوتو
ولومؤأخذة قلنا بأه نحط ف عينا حصوة ملح ونخلي عندنا شويه م الاحمر
ونعيد عليهم مره من نفسنا ده لو حتى كونا جميل واحد من جمايلهم يعني

المذيع:طب تحب تقول ايه للشرطه ف عيدها

المواطن:قال يامربي ف غير ولدك ... يا باني ف غير ملكك

المذيع:يعني ايه اللي قولته ده ياعم الحج

المواطن:هو انا قولت ايه و لومؤاخذه اصلي نسيت

المذيع:ماعلينا طب ايه رأي حضرتك ف الوقفه اللي هتحصل يوم عيد الشرطه

المواطن:استغفر الله العظيم دي القيامه هتقوم ياناس

المذيع:ليه بتقول كده ياعم الحج

المواطن:اصل يابني علي ايامي كان الوقفه دي بتبقي ف العيد الكبير وتاني يوم ندبح خروف
انتو بأه عملتو عيد ووقفه ف يوم واحد اه ما هى الشرطة .... طب هتدبحو امتي الخروف


المذيع:انت جننت اللي جبوني ياعم الحج ابوس رجلك ركز شويه

المواطن:مانا مركز اهو يابني بس لو ماكنتش عصبي

المذيع:طب ياعم الحج ايه رايك ف اللي بيطالبو الحكومه بزياده الاجور للعاملين ف الدوله

المواطن:خدت منك ايه يابصله وكل قطمه بدمعه

المذيع:ايه ياعم الحج انت قاعد ع الترعه ف بلدكو انت بتقول ايه

المواطن:فى ايه يابني ... هو انت سألتني

المذيع:طب بلاش السؤال ده ايه رايك ف الشباب اللي بيطالب الحكومه بتوفير فرص عمل

المواطن:اللي خدته القرعه تبقي تاخده ام الشعور

المذيع:مين القرعه

المواطن:اللي بتدور ع الاجور ههههههههههه انا باضحك معاك

المذيع:لا والله مانت سمعت السؤال اهو انت بتشتغلني ولا بتستهبل

المواطن:هه.. وانا اش دراااااني

المذيع:صبرني يارب ..
طيب ياعم الحج ايه رايك ف حركة كفايه اللي بتطالب بالقضاء ع الفساد ف اجهزة الدوله
وحرية الرأي والحفاظ علي كرامة الانسان بما يتناسب مع مبدأ المواطنه
وايه هي معلوماتك عن حركة كفايه


المواطن:والله يابني
كل اللي اعرفه ان الواد ابو اسماعيل باع عفش البيت بتاع ابوه من غير مايقوله
والراجل اصلا ماحلتوش حاجه قام اتهبل ومشي يلطم زي النسوان ويقول
اللي جري فاض وكفي ملا الشكاره ومسح القفه
بس ماكنتش اعرف ان الموضوع ده وصلكو


المذيع:يامثبت العقل والدين ياااااااااااااااااااااااااااااااااااااااااااارب

المواطن:يارب يابني يارب

المذيع:ياعم الحج ارحمني يرحمك ربنا نفسي افهملك اجابه واحده اوطي علي ايدك ابوسها

المواطن:العفو يابني العفو

المذيع:طيب ياعم الحج ايه رايك في حكاية ان في حالات كتير في مصر بتولع ف نفسها

المواطن:طبعا حرام ومش موافق ع التهريج ده وربنا ينتقم م الحكومه

المذيع:لولولولولولووووووووووووووي
مش مصدق وداني حمدالله ع السلامه ياراجل ايوه كده اهو ده كلام الناس العاقلين
كمل ياعم الحج ربنا ينتقم م الحكومه ليه

المواطن:لانها مصدره الطرشه علينا ومش عايزه تنجز ولو مؤخذه
ماهي لو تدعم لنا الحشيش كانت هتبقي الحياه اخر نعناع والدماغ اخر جلجله
ومع اول نفس كنا هنفضل زي زمان زي الحمير فالنجيل كنا زمان نقول ان
النجيل لا بيخلص والحمير لابتشبع دلوقتي النجيل خلص والحمير برده لسه جعانه
لازم طبعا يولعو ف نفسهم مادام مش لاقين حاجه يولعوها الكيف بيذل ياباشا

المذيع:الله يخرب بيتك ياشيخ ادعي عليك بايه
طلعت سيئاتي وسيئات اللي جبوني
كشفت راسي ودعيت عليك
بأه بتحشش وعايز كمان الحكومه تدعملك الحشيش ياعينك ياجبايرك


المواطن:وماله لما تدعمه ولا هو قليل البخت يلاقي العضم ف الكرشه
وع العموم بترزق برده ماحدش له جميله عليا

وبعدين انت بتمرمط فيا علي ايه م الصبح صحيح مذيع سيس


المذيع:سيس انا سيس وعرفتها منين الكلمه دي ان شاء الله

المواطن:ههههههههههههههههههههه احنا اللي اخترعناها ياحيلتها

واصطباحتك زي وشك ضيعتلي الدماغ اللي عاملها

روح يااااااااااااااااااااااااااااااد عيل سيس صحيح

وهى دى مصر (سابقا يارب)
[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://2shabab.alafdal.net
 
حوار بين مذيع فرفور و مواطن مطحون مسطول
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أسرة شباب صح بميت سهيل ( Shabab Sa7 )  :: ..: كركبــــــــــة ع الناصــيه :.. :: مواضيع عامله ازمه بس ليها لازمه-
انتقل الى: